- Advertisement -
Mercedes-Benz prezantoi të martën automjetin e tij sportiv EQS (SUV), një makinë 660 kilometra që do të prodhohet në Amerikë dhe do të dalë në shitje deri në vjeshtë.
Sipas medieve të huaja, përcjell Telegrafi, prodhimi i EQS, SUV-i i dytë elektrik i prodhuesit premium elektrik pas EQC-s, do të fillojë në fabrikën e tij në Tuscaloosa, Alabama këtë vit.
Shtetet e Bashkuara dhe Kanadaja pritet të jenë tregjet kryesore për automjetin e ri, sipas shefes së shitjeve Britta Seeger, megjithëse do të lansohet edhe në Evropë në fund të vitit.
Mercedes-Benz nuk ka bërë të ditur se sa do të shitet SUV-i i ri, megjithëse sedani i tij ekzistues elektrik EQS fillon nga 103 mijë dollarë në Shtetet e Bashkuara.
