Ish-bashkëlojtari i Cristiano Ronaldos në Portugali, Pedro Mendes, ka diskutuar mundësinë që sulmuesi i Al-Nassr të bashkohet me Lionel Messin në Inter Miami.
Duke folur për BoyleSports, Mendes tha: “Nëse Cristiano Ronaldo do t’i bashkohej Inter Miamit do të ishte mahnitëse për tifozët dhe e pabesueshme për futbollin në Amerikë. Do të thoshte se dy lojtarët më të mirë në historinë dhe të ardhmen e futbollit Cristiano Ronaldo dhe Lionel Messi do të përfundonin karrierën e tyre së bashku, gjë që do të ishte një ëndërr e realizuar”.
Messi dhe Ronaldo kanë qenë dy lojtarët më të mirë dhe më të suksesshëm në shekullin e 21-të, nëse jo në historinë e sportit.
Së bashku, dyshja kanë fituar 13 Topa të Artë, nëntë Liga të Kampionëve dhe gjithsej 76 tituj.
Ata gjithashtu kanë shënuar gjithsej 1 mijë e 732 gola gjatë karrierës së tyre deri më tani, duke përjashtuar miqësoret, shkruan Goal.com.
