Kryetari i PDK-së, Memli Krasniqi, ka pranuar një dhuratë të personalizuar nga Granit Xhaka.
Dhurata është dorëzuar nga kandidati për kryeministër i PDK-së, Bedri Hamza, i cili ka takuar Xhakën gjatë vizitës së tij në Gjermani.
“Mërgata e ka nda mendjen se Kosova mundet ma mirë. Pata mundësi ta takoj edhe yllin e futbollit dhe mikun tënd, Granit Xhakën dhe këtu e kam një porosi prej tij për ty”, ka thënë Hamza.
Ndërsa kreu i PDK-së tha se “Yjet si Graniti kanë qenë gjithmonë dhe vazhdojnë me qenë inspirim për të gjithë”.
“Yjet si Graniti kanë qenë gjithmonë dhe vazhdojnë me qenë inspirim për të gjithë, sepse me puën dhe suksesin që e kanë arritur janë bërë shembuj të mirë. Neve na mbetet me i përvjelë mëngët dhe me punu për t’i realizuar qëllimet që i kemi bashkë”, ka thënë Krasniqi.
