Kryetari i Partisë Demokratike të Kosovës, Memli Krasniqi ka vizituar sot Komunën e Mitrovicës ku bashkë me kryetarin Bedri Hamza kanë takuar qytetarë të prekur nga vërshimet e djeshme, raporton Scanner.

“Edhe në këtë komunë dëmet materiale janë shumë të mëdha. Ringritja e infrastrukturës publike dhe kompensimi i të gjitha dëmeve që qytetarët kanë pësuar, kërkojnë reagimin urgjent të Qeverisë së Kosovës. Dërgimi i ekipeve emergjente për të sanuar gjendjen, mbështetja e qytetarëve me asistencë shëndetësore, pako ushqimore, strehim dhe rikuperimi i dëmeve materiale duhet të bëhet shpejtë dhe pa humbur kohë”, tha Krasniqi.

Ai tha se në këto ditë të vështira për të gjithë Kosovën, asnjë qytetar i vendit nuk duhet të lihet i vetëm dhe pa mbështetjen e shtetit.

https://m.facebook.com/story.php?story_fbid=pfbid021awXD4ex88draJ6XcwCHByEZpU34iXGt6TTpNLm4xwcRd4cHvS19wLC7FZ4vfUubl&id=100044662171388&sfnsn=mo&mibextid=RUbZ1f