Gazetari Lirim Mehmetaj ka kritikuar kryeministrin Albin Kurti për mungesën e tij në përballjet televizive që nga ardhja në pushtet.
Në Debat Plus, Mehmetaj ka thënë se Kurti, i cili dikur ishte i pranishëm në çdo studio televizive si opozitar, tani nuk guxon të përballet me kritikët dhe opinionin publik.
“Unë nuk e kisha bërë këtë krahasim, të zotit (deputetit Nezir) Kraki me Albinin. Unë mendoj që Albini është shumë më tuc se ky. Të paktën ky po ballafaqohet. Ai është një frikacak që nuk guxon me ardh në studion ku ballafaqohet. Mundet mos me qenë përshkrim ideal, por ndjenjën e tij dhe mungesën e guximit unë s’kam qysh e përshkruaj ndryshe. Personi në fjalë zoti Kurti, ka shkuar në çdo studion televizive sa ka qenë në opozitë. Mirë, është bërë kryeministër nuk vjen. Rruga është ë njëjtë, njerëzit janë të njëjtë se tutet”, ka thënë Mehmetaj.
