Gazetari Lirim Mehmetaj ka ngritur shqetësimin për marrëdhëniet e ftohta të Kosovës me partnerët ndërkombëtarë, duke thënë se kjo situatë duhet të trajtohet si një problem serioz përtej debateve ditore politike.
Sipas tij, Kosova aktualisht ndodhet nën sanksione të Bashkimit Evropian, ndërsa dialogu me Shtetet e Bashkuara të Amerikës është pezulluar nga vetë pala amerikane.
“Unë mendoj që asnjëherë e tepërt me thënë që Kosova aktualisht është nën sanksione nga BE-ja. Dialogu me SHBA-të është i pezulluar nga vetë ata. Dhe e kemi një situatë interesante, po kemi ndërkombëtar që po dëshmojnë në Gjykatë Speciale. Dhe po flasin me përvojat e tyre me ish-liderët, jo veç me ata në Hagë, por po e përmendin edhe Ramush Haradinajn e të tjerë. Dhe qytetarët po e shohin diferencën në komunikim, po edhe rezultatin nga ajo diferencë e komunikimit. Ndërkombëtarët në Kosovë refuzojnë më shku në zyre të kryeministrit me u taku me të. Kjo ish dashtë me qenë shqetësim i përhershëm i vazhdueshëm për tej temave ditore”, ka thënë Mehmetaj në Debat Plus.
