Gazetari Lirim Mehmetaj, ka komentuar përplasjen e kandidatëve për deputetë nga rradhët e LDK-së, përkatësisht Rrezarta Krasniqit dhe Xhafer Tahirit dhe në anën tjër heshtjen e kandidatit për deputet nga rradhët e VV-së, Agon Batusha.
Mehmetaj ka thënë se LDK është parti taman demokratike që kur besojnë se u bëhet e padrejt edhe nëve vjen nga kolegët e tyre, ata e denoncojnë njëri-tjetrin në organen gjegjëse, në këtë rast në prokurori. Por, rasti më keq ësht në VV sipas Mehemtajt, at sipas tij Batusha e di se ia vodhi votat Mimoza Kusari-Lila, por që s’guxon të flas.
Postimi i plotë:
Rrezarta Krasniqi vs. Agon Batusha – Dallimi mes një partie normale dhe një organizate servilësh
Deputetja e LDK-së, Rrezarta Krasniqi, ka pasur pretendime se në Vushtrri nuk ka shkuar numërimi i votave për kandidat për deputetë si duhet dhe i ka mbledh faktet e iu ka drejtu prokurorisë.
Prokuroria e ka parë të arsyeshme të fillojë hetim dhe ka nis rinumërimin.
Përkundër se bëhet fjalë për kandidatë të së njëjtës parti, gjithçka ka shkuar normalisht, i kanë besuar drejtësisë dhe po e lënë të bëjë punën e saj.
Çfarë do të thotë kjo?
Kjo do të thotë se LDK është një parti normale me demokraci të brendshme që askush s’ka frikë ta kërkojë të drejtën e vet, e në anën tjetër secili aty e sheh sistemin e drejtësisë si rrugën e duhur se si shuhen apo konfirmohen dyshimet.
Në anën tjetër, e ke kandidatin për deputet të Vetëvendosjes dhe kryetarin e kësaj partie në Gjakovë, Agon Batushën, të cilin e ka masakruar me vota Mimoza Kusari-Lila.
Batusha e di se përveç fushatës negative/linçuese që Kusari-Lila ia ka bërë me mbështetje të Albin Kurtit gjatë fushatës, ajo edhe i ka ndërhyrë në vota dhe ai sot pikërisht për këtë arsye nuk është më deputet, por nuk guxon të flas.
E para, sepse nuk do Kurti që ky të flas.
E dyta, sepse e pret linçimi publik i mekanizmave të organizuar kriminal të Vetëvendosjes në internet.
E çuditshme mbase, por është pikërisht kjo situatë në LDK, që ende s’ka marrë verdikt nga drejtësia, që faktikisht dëshmon demokracinë e brendshme të partisë.
Secili guxon. Ndryshe nga VV ku askush nuk guxon.
P.S
Hajdutët e votave e kanë vendin ne burg.
