Ndërsa spekulimet rreth një rikthimi të mundshëm të Princit Harry në Mbretërinë e Bashkuar po shtohen, duket se Meghan Markle nuk po e lë asgjë në dorë të rastësisë.
Sipas raportimeve të The Economic Times, Dukesha e Sussex ka përgatitur një “plan divorci” që mund ta aktivizojë nëse bashkëshorti i saj vendos të rikthehet në vendin e tij të lindjes dhe të marrë përsipër sërish detyra mbretërore.
Burime “të afërta me çiftin” kanë treguar se Markle ka kërkuar këshilla ligjore dhe financiare për të mbrojtur interesat e saj në rast se ndodh ndarja, duke përfshirë edhe masa për kujdestarinë e fëmijëve dhe menaxhimin e pasurisë së përbashkët.
Raporti thekson se tensionet e fundit janë rritur për shkak të qëndrimeve të ndryshme: Harry thuhet se dëshiron të forcojë lidhjet me familjen mbretërore, ndërsa Meghan nuk ka aspak interes të largohet nga Kalifornia, ku çifti ka ndërtuar jetën e tyre pas largimit nga pallati.
Në rast divorci, Markle pritet të ruajë titullin “Dukeshë e Sussex” dhe të mbetet e kujdesshme për të mos dëmtuar imazhin publik të monarkisë, por në të njëjtën kohë, të sigurojë kontroll të plotë mbi rrëfimin e saj.
As Meghan dhe as Princi Harry nuk kanë komentuar deri tani për këto raportime.
