Megan Fox dhe Machine Gun Kelly i dhanë fund lidhjes së tyre vetëm disa javë pasi njoftuan se ishin në pritje të fëmijës së tyre të parë së bashku.
Çifti ishte së bashku për më shumë se katër vjet.
Më 11 nëntor, Fox njoftoi shtatzëninë e saj në Instagram dhe etiketoi Kelly në një foto që tregonte barkun e saj shtatzënë.
Ky do të jetë fëmija i katërt i Meganit dhe i dyti për Kelly. Fox tashmë ka tre djem – Noah (12), Bodhi (10) dhe Journey (8) me ish-bashkëshortin Brian Austin Green, ndërsa Kelly është babai i vajzës Casia (15).
Çifti u takua gjatë xhirimeve të “Midnight in the Switchgrass” në mars 2020. Në maj të atij viti, çifti doli publikisht me lidhjen e tyre pasi Fox u shfaq në videoklipin e Kelly “Bloody Valentine”.
Në janar 2022, aktorja njoftoi në Instagram se ishte fejuar me Kelly. Marrëdhënia e tyre pati ulje-ngritjet e saj. Çifti tashmë u nda një herë, dhe pas kësaj ata u pajtuan. Së fundmi ata njoftuan se janë në pritje të rinovimit.
Një burim tha në nëntor se çifti është shumë i emocionuar për shtatzëninë dhe nuk mund të ndalojë së foluri për fëmijën.
