Mediat izraelite po raportojnë se të gjithë dronët iranianë që u lëshuan drejt Izraelit janë kapur me sukses.
Home Front Command – e cila lëshon paralajmërime për strehimoret – thotë se njerëzit nuk kanë më nevojë të qëndrojnë pranë një strehe, por duhet të jenë ende të vetëdijshëm dhe vigjilentë.
Ushtria izraelite tha më herët se Irani ka gjuajtur rreth 100 dronë drejt territorit të tij, pasi Izraeli filloi një sulm të madh kundër Iranit gjatë natës.
Forcat Mbrojtëse të Izraelit (IDF) thanë se kanë kryer sulme në objektet bërthamore dhe se shefi i Gardës Revolucionare Hossein Salami dhe komandantët e tjerë janë vrarë, shkruan BBC, transmeton Gazeta Express.
Në anën tjetër, Irani është zotuar se do të hakmerret me udhëheqësin suprem të Iranit, Ayatollah Ali Khamenei, i cili tha se Izraeli “duhet të presë një ndëshkim të rëndë” pas sulmeve gjatë natës.
