Adrola Dushi është një personazh mjaft aktiv në rrjetet sociale, ku shpesh herë ndan me ndjekësit e saj momente jo vetëm nga karriera e saj si modele por njëkohësisht edhe përditshmërinë e saj mes miqve dhe familjarëve.
Ditën e sotme, profili i modeles së njohur ka marrë një ngjyrë të bukur dashurie, pasi Adrola ka publikuar një set fotografik ku shihet me djalin e saj dhe më të ëmbël se kaq nuk i kishim parë kurrë më parë.
“Sytë e mi”, shkruan Dushi bashkangjitur fotografive kur shihet me Troit, i cili tashmë është rritur dhe ka një ngjashmëri akoma më të madhe më nënën e tij.
Të veshur me ngjyra bezhë dhe të bardha, Adrola dhe Troi janë kombinuar më së miri, duke sjellë atmosferën e festave për këtë set fotografik.
Kujtojmë që Adrola është nëna e një djali, Troi, nga ish martesa e saj me Adis Patushi. Ndërkohë sa i përket jetës së saj private, prej kohësh ajo përflitet për një marrëdhënie me Capital T, të cilët ende nuk e kanë pranuar publikisht lidhjen e dashurisë.
