Me rekomandim të Naim Tërnavës në të gjitha xhamitë e Kosovës sot është ligjëruar për pavarësinë e Kosovës

Bashkësia Islame e Kosovës përmes një njoftimi për media, ka bërë të ditur se sot me rekomandim të kreut të BIK-ut, Naim Tërnava, në të gjitha xhamitë e Kosovës është ligjëruar për pavarësinë e Kosovës.

Kjo është bërë në prag të 17 shkurtit, përvjetorit të shpalljes së pavarësisë së Kosovës.

“Me rekomandim të kryetarit të Bashkësisë Islame të Kosovës, Myftiut Naim ef. Tërnava, sot, në të gjitha xhamitë e Kosovës, u mbajt hytbe e përbashkët me temën “Pavarësia e Kosovës dhe përgjegjësia jonë fetare dhe kombëtare”.”, thuhet në njoftim.