Ish-banorja e Big Brother VIP Albania, Ilnisa Agolli u fut të martën në shtëpi për t’i bërë një surprizë partnerit të saj Meritonit, pasi ky i fundit po vazhdon ende garën.
Ilnisa e cila foli nëpërmjet një lidhje telefonike në emisionin “Pardon my French” ajo ka treguar se si u ndje nga ai takim emocionues.
“Unë jam shumë e prekur, ndoshta edhe nga kjo natyra ime që është kështu siç është dhe mua më pëlqen kështu siç është. Më ka bërë që ta përjetoj atë ndjesi që kalova kaq çuditshëm, sa e para më la pa gjumë, e dyta sot mezi ambientohem dhe e treta e kam non-stop në mendje. Pra, shkova për të motivuar Meritonin dhe e gjej veten duke më motivuar Meritoni mua”, deklaroi Ilnisa.
Ilnisa kishte përfunduar rrugëtimin e saj në BBVA pasi kishte shkuar në nominim bashkë me Eglën dhe Meritonin.
Meritoni dhe Egla vazhdojnë ende garën brenda shtëpisë.
