Me dëgjimin e dëshmitarit në sesion privat, përfundoi edhe seanca e sotme ndaj Thaçit dhe të tjerëve

Në Dhomat e Specializuara të Kosovës (DhSK), në Hagë, ka përfunduar seanca e sotme në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, ku vazhdoi të dëgjohet dëshmitari i katërt me kodin 4748, në sesion privat.

Pas pushimit të drekës, këtë dëshmitar ka filluar ta pyes me kundra-pyetje mbrojta e Selimit, raporton “Betimi për Drejtësi”.

Paraprakisht, mbrojtësi i Veselit, avokati Ben Emmerson ka paraqitur katër dokumente, të cilat i ka përdorur gjatë pyetjeve për dëshmitarin, e të cilat tha se do i lexojë në seancë private.