Presidentja e Republikës së Kosovës, Vjosa Osmani, ka pritur në takim Guvernatorin e Përgjithshëm të Antigua dhe Barbudas, Sir Rodney Williams, dhe Zonjën e Parë, Lady Sandra Williams.
Vizita zhvillohet me ftesë zyrtare të Presidentes Osmani dhe përkon me pjesëmarrjen e Sir Williams në Forumin Ndërkombëtar për Gratë, Paqen dhe Sigurinë.
Takimi u zhvillua në ambientet e Presidencës dhe ishte i mbyllur për medie.
Guvernatori i Përgjithshëm do të qëndrojë për vizitë zyrtare në Republikën e Kosovës si dhe do të jetë pjesëmarrës i Forumit Ndërkombëtar për Gratë, Paqen dhe Sigurinë, i organizuar nën udhëheqjen e Presidentes Osmani
Pas takimit me Guvernatorin e Përgjithshëm të Antigua dhe Barbudas, Osmani do të zhvillojë takim edhe me Ministrin e Jashtëm të Tanzanisë, Mahmoud Thabit Kombo.
