Qytetarët nuk e kanë mirëpritur propozimin e Zyrës së Rregullatorit të Energjisë (ZRrE) për rritjen e tarifave të rrymës për 15%.
Për këtë arsye, ata po organizojnë një protestë kundër shtrenjtimit të energjisë elektrike.
Nisma është ndërmarrë nga aktivisti Luan Hasanaj, i cili ka bërë thirrje për pjesëmarrje masive në protestën që do të mbahet të shtunën, më 5 prill, në ora 15:00.
Hasanaj, i cili është iniciues i kampanjës “Asnjë cent më shumë”, konfirmoi në emisionin “Ora 7” në Klan Kosova se protesta pritet të jetë e madhe.
Sipas tij, kjo protestë ka për qëllim t’i dëshmojë ZRrE-së dhe institucioneve të tjera se qytetarët nuk pajtohen dhe nuk mund ta përballojnë këtë rritje të çmimeve.
Organizatorët u kanë bërë thirrje të gjithë qytetarëve të bashkohen për të kundërshtuar këtë vendim.
