- Advertisement -
Christpohe Galtier do të jetë trajneri i ri i Paris Saint-Germainit.
“RMC Sport” ka raportuar këtë të hënë se tashmë është mbyllur marrëveshja, transmeton Gazeta Express.
Sipas mediumit francez, Galtier sot ka vizituar ambientet e klubit nga “Parc des Princes” dhe aty ka nënshkruar kontratën.
Kontrata thuhet se është e vlefshme për dy sezonet e ardhshme.
Galtier do të prezantohet nesër, në ora 18:00, te kampionët e Francës përmes një konference për media.
55-vjeçari nuk është emër i njohur shumë në futbollin evropian, përveçse në atë francez.
Ai nga viti i kaluar është trajner te Nice, teksa më herët ka drejtuar edhe dy skuadrat tjera nga Ligue 1 e Francës, Lille dhe Saint-Etienne.
