Personat që përfitojnë nga skemat pensionale në Kosovë janë gjithsejt 246 mijë e 533.

Këto janë të dhënat që lajmi.net i ka siguruar nga Ministria e Punës, Financave dhe Transfereve.

Nga ky numër, 149 mijë e 967 persona përfitojnë nga pensioni bazë.

Nga skemat pensionale për pensionin familjar, përfitojnë 2 mijë e 898 persona.

Pensioni familjar sipas ligjit është pensioni i rregullt mujor i paguar për anëtarët e familjes në rast të vdekjes së të punësuarit, që ka qenë në marrëdhënie pune.

Të pensionuarit nga Trupat Mbrojtëse të Kosovës (TMK) që përfitojnë nga skemat pensionale janë gjithsejt 1 mijë e 322 persona, kurse të pensionuarit nga FSK që përfitojnë janë 770 vetë.

Lajmi.net ka siguruar po ashtu të dhëna për pensionet që marrin ish-punëtorët e Trepçës, personat me aftësi të kufizuara (PAK), pensionet kontributive, ato parciale kontributive dhe të tjera.