Hetimet për grupin që shpërndante drogë të mbështjellë më logon e Louis Vuitton kanë nisur që në muajin janar të këtij viti.

Sipas burimeve, tafikantët, duke shfrytëzuar pikun e sezonit turistik dhe mungesën e kontrolleve kufitare, i kalonin dërgesat nëpërmjet linjave të transportit të udhëtarëve me autobus të linjës Prishtinë-Durrës.

Pasi dërgesa mbërrinte në Durrës, ata i transportonin më pas me autovetura të marra me qira në Tiranë ose në  qytete të tjera, kryesisht bregdetare.

Për arritjen e marrëveshjeve me shpërndarësit e drogave sintetike në Shqipëri, Trafikantët kërkonin pagesa paradhënie si kapar, madje edhe lënien e automjeteve apo edhe si kolateral. Ndërsa vendet e shkëmbimit i linin në vende publike me shumë qarkullim njerëzish

Drejtori i Drejtorisë Vendore të Policisë Tiranë, Tonin Vocaj ka dalë në një konferencë për shtyp, ku ka dhënë detaje për operacionin e koduar “PUNISHER 2”, në kuadër të të cilit u godit një grup kriminal që trafikonte nga Kosova në Shqipëri dhe shpërndante lëndë narkotike ekstazi MDMA.

Në pranga ranë pesë persona, dy prej të cilëve shqiptarë të Kosovës ndërsa u sekuestruan 11 300 tableta ekstazi MDMA me peshë 5.093 kg dhe vlerë tregu rreth 400 mijë euro. Shtetasit e arrestuar janë lokalizuar në kryqëzimin e rrugës “Myslym Shyri” dhe “Sami Frashëri”, së bashku me dërgesën e drogës.

Nga hetimet ka rezuluar se këta shtetas, duke shfrytëzuar fluksin e sezonit turistik i kalonin dërgesat nëpërmjet linjave të autobusave Prishtinë-Tiranë. Pasi dërgesat arrinin në Tiranë, ata transportoheshin me makina të marra me qira në Tiranë dhe në qytete të tjera, kryesisht bregdetare.

Vendet e shkëmbimit caktoheshin në vende publike me shumë lëvizje dhe fluks njerëzish. Për arritjen e marrëveshjeve me shpërndarësit e drogave sintetike në Shqipëri, trafikantët kërkonin pagesa paradhënie, ose edhe lënien e automjeteve si garanci. U sekuestruan gjithashtu një automjet si dhe 5 aparate celulare.

Të arrestuarit:

Mithat Ramadani 30 vjeç, banues në Prishtinë
Besnik Mujeci, 40 vjeç, banues në Prishtinë

Kalem Picari, 24 vjeç, banues në Tiranë
Ambra Myftari 28 vjeçe, banues në Tiranë
dhe Daniel Avdija 26 vjeç, banues në Tiranë/ Teksti: /abcnews.al