Sulmuesi i Real Madridit, Kylian Mbappe është përfshirë në një proces ligjor ndaj ish-klubit të tij, Paris Saint Germain, për pagesa të papaguara.
Francezi ka kërkuar 55 milionë euro, të cilat pretendon se i takojnë nga kontrata e tij me klubin francez.
Fituesi i Kupës se Botës 2018, ka sqaruar se nuk ka asgjë personale kundër PSG-së, por thjesht po kërkon atë që i takon ligjërisht.
“Është përgjegjësia ime sipas ligjit, është ligji i punës”, ka thënë fillimisht Mbappe për L’Equipe.
“Procedura dha përshtypjen se doja t’i dëmtoja PSG-së. Nënshkrova një kontratë pune. Doja vetëm të paguhesha. Nuk kam asgjë kundër PSG-së, e dua këtë klub, kam miq atje”.
“Por, është e vetmja mënyrë për të marrë atë që më detyrohen, diçka që e kam fituar me djersën e ballit tim. Pavarësisht nëse ju pëlqen apo jo, është prapëseprapë një punë”, përfundoi francez.
