Real Madridi ka pësuar humbje në udhëtim te Athletic Bilbao, duke humbur rastin për t’u bërë lider në La Liga.

“Los Blancos” zhvilluan paraqitje jo në nivelin më të mirë, kësisoj pësuan humbje me rezultat 2:1.

Kylian Mbappe shënoi pas vetëm 14 minutave lojë, mirëpo që goli u anulua për pozitë jashtë loje.

Pas kësaj, Athletic Bilbao krijoi disa raste përmes Inaki e Nico Williams mirëpo dështuan t’i finalizonin.

Bilbao e nisi më mirë pjesën e dytë me Alex Berenguer që përfitoi nga një top i kthyer për t’i kaluar vendasit në epërsi (53’).

Reali kishte mundësinë e artë për ta barazuar rezultatin megjithatë Kylian Mbappe për herë të dytë radhazi e humbi penalltinë.

Ishte Jude Bellingham që e barazoi rezultatin pas një topi të kthyer nga goditja e Mbappe (78’).

Sidoqoftë, vetëm dy minuta më vonë Valverde e humbi topin si lojtar i fundit, ku Gorka Guruzeta u gjend përballë portierit për ta rikthyer epërsinë e Bilbaos (80’).

Reali qëndron në pozitën e dytë me 33 pikë ndërsa Bilbao zë pozitën e katërt me 29 sosh