Lëvizja e Kylian Mbappe te Real Madrid tani mund të jetë konfirmuar, por francezi mbetet ende nën kontratë me Paris Saint-Germain, deri në fund të muajit qershor. Megjithatë, ai është në konflikt me punëdhënësit e tij aktual dhe “L’Equipe” raporton se edhe Ligue 1 mund të përfshihet.
Për tu riintegruar në skuadrën e parë të PSG-së pasi u përjashtua nga grupi verën e kaluar, një masë drastike e marrë nga klubi pasi lojtari zbuloi se nuk do ta zgjaste marrëveshjen e tij, Mbappe ra dakord të hiqte dorë pjesërisht nga një bonus besnikërie prej 80 milionë eurosh.
Është kjo që mbetet pika e debatit. Që kur Mbappe e informoi presidentin e PSG-së Nasser Al-Khelaifi për dëshirën e tij për t’u larguar nga klubi në shkurt, francezi ka parë rënie të ndjeshme të kohës së tij të lojës, që do të thotë se riintegrimi nuk ishte i qëndrueshëm dhe vetëm i pjesshëm.
Megjithatë, ndërkohë, ai bonus besnikërie prej 80 milionë eurosh, i mbajtur në vjeshtë të vitit 2023, u pagua në shkurt të këtij viti.
PSG tani dëshiron t’i marrë ato para, duke mos paguar Mbappe-n. Siç raportohet nga “L’Equipe”, paga e tij për muajin prill nuk u pagua dhe tani paga e tij e qershorit tani ka mbetur e papaguar.
Mbappe, i fokusuar plotësisht në Euro 2024, nuk po përfshihet në debat dhe në vend të kësaj janë avokatët e palëve përkatëse që po komunikojnë për këtë çështje.
Të dy kampet këmbëngulin se janë në të drejtën e tyre dhe nëse nuk arrihet marrëveshje mes dyshes, atëherë komisioni ligjor i Ligue 1 mund të përfshihet në këtë çështje.
