Komentatori politik, Halil Matoshi, ka thënë se Sllavko Simiq ishte zgjedhur nënkryetar nga radhët e komuniteteve shumicë (serbe), në vitin 2021, me votat e Lëvizjes Vetëvendosje.
Sipas tij, LVV-ja asnjëherë nuk e ka bërë probleme këtë gjë edhe pse në atë kohë nënkryetarë i Listës Serbe ka qenë Milan Radojçiq.
“Nën drejtimin e deputetit me të vjetër z.Avni Dehari është zgjedhur nënkryetar në paketë me nënkryetarin e grupit tjetër të pakicave, Sllavko Simiq me 93 vota dhe Dehari nuk ka kundërshtuar. Në partinë Lista Serbe nënkryetar zyrtar ka qenë Milan Radojçiq dhe kurrë nuk e keni bërë problem atë punë sot po e bëni problem sepse i keni hyp Kushtetutës me dy këmbët po e shkarravitni dhe po u thoni qytetarëve kjo Kushtetutë nuk vlen se ju ka dhënë shumë të drejta serbëve”, tha Matoshi në kanal 10
