Analisti Halil Matoshi nëpërmjet një postimi në Facebook iu është drejtuar ministrit të Financave, Hekuran Muratit të cilin e ka pyetur nëse do t’ua paguajë ose jo pagat ministrave, deputetëve, zyrtarëve, gjykatësve e policëve serbë që lëshuan institucionet e Kosovës.
“I ke kercënu mësuesit kosovarë që ki me ua nalë bukën, sha e përbuzë – për grevë të ligjshme – por përpjekja për me i shantazhu me buk u dështoi, masi që publiku u mobilizu në mbrojtje të tyne.”, shkruan Matoshi, përcjell lajmi.net.
Më tutje, ai e ka quajtur “patriot me profesion”, ministrin Murati, kur e pyet nëse do t’ua paguajë rrogat serbëve që lëshuan institucionet e Kosovës.
Ky është postimi i plotë i Matoshit:
Ministër fol n’paç ftyrë!
1.
I ke kercënu mësuesit kosovarë që ki me ua nalë bukën, sha e përbuzë – për grevë të ligjshme – por përpjekja për me i shantazhu me buk u dështoi, masi që publiku u mobilizu në mbrojtje të tyne.
2.
Pse s’po të nihet zani Hekuran Murati?
3.
A ke me ua pagu rrogat të rebeluemëve kundër shtetit në veri, deputetë, ministra, zyrtarë shteti, gjykatës e policë?
4.
Fol ministër – patriot me profesion?.
