- Advertisement -
Qeveria e Kosovës, në kuadër të masave të reja, ka bërë të ditur se personave nën moshën 12-vjeçare do t’u lejohet hyrja në kafiteri pa vërtetimin e vaksinës.
“Shërbimet e gastronomisë lejohen të zhvillojnë aktivitetin e tyre. Klientët dhe stafi i gastronomisë duhet të posedojnë ndonjërën nga dëshmitë sipas pikës 26.1 ose 26.2 në mënyrë që t’u lejohet hyrja né hapësirat e mbyllura të lokaleve, në përputhje me udhëzuesin përkatës, përveç atyre nën moshën 12 vjeçare”, thuhet në njoftim.
Ndërkaq, gastronomia do të lejohet të punojë deri në ora 21:00. Sipas masave të reja, muzika lejohet deri në orën 20:30.
Masat e miratuara hyjnë në fuqi nesër, me 22 janar 2022 dhe vlejnë deri më 4 shkurt 2022.
