- Advertisement -
Teuta Elshanin, e mbijetuara e vetme e familjes Elshani nga Korrotica e Ulët e Drenasit, ka thënë se e ka mision të flasë dhe t’i tregojë botës se çfarë ndodhi më 17 prill 1999 në Poklek të Vjetër të Drenasit, pas masakrës që aty bënë forcat serbe.
Në Oxygen me Besim Dinën, ajo tha se të flasë për këtë ngjarje sado e dhimbshme që është për të, e ka borxh, sipas saj për këtë është gjallë.
“E kemi mision sa të jemi gjallë sepse kemi mbetur me një arsye të tregojmë se çfarë ka ndodhur, e kemi borxh e kemi mision, ia vlen edhe pse kemi emocione, kemi ngarkesa të rënda me gjithë humbjen që kemi. Mirëpo, e kemi borxh të vazhdojmë dhe të flasim sepse për atë arsye jemi gjallë”, ka thënë Elshani.
