Real Madridi po planifikon që ta transferojë Marc Cucurellën në formë huazimi në afatin kalimtar të janarit.

Cucurella po e konsideron largimin nga Chelsea në afatin kalimtar të janarit për shkak të mungesës së minutave në lojë nën drejtimin e Mauricio Pochettino, shkruan Goal.com.

Mbrojtësi i majtë spanjoll, i cili iu bashkua Chelseat nga Brighton verën e kaluar, nuk ka luajtur në asnjë ndeshje të Premier Ligës këtë sezon, paraqitjen e tij të vetme për Të Kaltrit e pati në një ndeshje të Carabao Cup.

25-vjeçari ishte i lidhur ngushtë për një lëvizje huazimi te Manchester United në verë, por një marrëveshje përfundimisht nuk u bë pasi që në momentin e fundit, Djajtë e Kuq nënshkruan me Sergio Reguilon në ditën e fundit të afatit kalimtar të verës.

Marc Cucurella është pjesë e Chelseas që nga viti 2022 pasi erdhi nga Brightoni për një vlerë prej 65 milionë euro.