- Advertisement -
Trajneri i Italisë, Roberto Mancini ka publikuar listën me 29 futbollistët e grumbulluar për dy impenjimet e Nations League ndaj Anglisë dhe Hungarisë respektivisht më datat 23 dhe 26 shtator.
Tekniku Mancini ka grumbulluar për herë të parë tre lojtarë, të cilët vijnë nga radhët e Lazios, Empolit dhe Salernitanës. Fjala është për dy portierët, Ivan Provedel e Gulielmo Vicario si dhe mbrojtësi Pasquale Mazzochi.
Ndërkaq, rikthehet të veshë fanellën e kombëtares edhe Vincenzo Grifo i Freiburg, i cili nuk grumbullohej me axurrët prej miqësores me San Marinon në maj të vitit 2021.
