Manchester City ka shënuar fitore kundër Leeds United në udhëtim, në takimin e vlefshëm për javën e 17-të në Premierligë.
“Qytetarët” triumfuan 1:3 ndaj Leeds në stadiumin “Elland Road”.
Rodri zhbllokoi shifrat në çastet e fundit të pjesës së parë, saktësisht në minutën e parë shtesë.
Pjesa e dytë ishte e “rezervuar” për top sulmuesin norvegjez, Erling Haaland që fillimisht dyfishoi epërsinë në minutën e 51-të, e më pas në të 64-tën minutë shënoi edhe një herë tjetër për ta thelluar avantazhin.
Leeds United gjeti golin e vetëm në këtë takim 17 minuta para fundit të kohës së rregullt kur Struijk dërgoi topin në rrjetë.
City me këtë fitore vazhdon të mbetet në vendin e dytë me 35 pikë, pesë më pak se Arsenali lider.
Leeds mbetet me 15 pikë në pozitën e 15-të tabelore.
