- Advertisement -
Rey Manaj dhe Feta Fetai me Al-Sharjahun e kanë fituar Superkupën e Emirateve të Bashkuara Arabe.
Al-Sharjahu në finale e mposhti skuadrën Shabab Al-Ahli Dubai me përmbysje të rezultatit, 3:2.
Golat për Al-Sharjahun i shënuan Caio Lucas, Luan Pereira dhe Ousmane Camara.
Ndërsa Federico Cartabia dhe Breno ishin realizatorët e golave për skuadrën Shabab Al-Ahli Dubai.
Sulmuesi Manaj u paraqit për Al-Sharjahun deri në minutën e 87-të, kurse mesfushori Fetai ishte në bankën e rezervistëve.
28-vjeçari Manaj këtë edicion në 16 ndeshjet e zhvilluara në të gjitha garat ka gjashtë gola të shënuar.
Të dy futbollistët shqiptar, Manaj dhe Fetai iu bashkuan Al-Sharjahut në verë.
