Manchester United ka refuzuar pesë oferta të ndara për Harry Maguire këtë verë, duke qëndruar i vendosur për të ardhmen e mbrojtësit pavarësisht spekulimeve të vazhdueshme.
Qendërmbrojtësi 32-vjeçar është përballur me pasiguri mes planeve të United për të riorganizuar skuadrën pas një sezoni katastrofik në Ligën Premier, që përfundoi me një vend zhgënjyes të 15-të.
Megjithatë, Djajtë e Kuq ende ngurrojnë ta lejojnë Maguiren të largohet nëse nuk gjendet një zëvendësues i përshtatshëm.
Sipas mediumit Daily Mail, Maguire ka qenë cak i pesë ofertave të ndryshme nga Anglia dhe Italia, por të gjitha janë refuzuar nga drejtuesit e Unitedit.
Ruben Amorim ende e vlerëson përvojën dhe lidershipin e tij, dhe nëse rrethanat nuk ndryshojnë, Maguire duket se do të qëndrojë në Old Trafford për sezonin e ardhshëm.
