Mama për herë të dytë, Rosie Huntington konfirmon lindjen me foton e ëmbël

Rosie Huntingon-Whiteley ka sjellë në jetë fëmijën e saj të dytë. Modelja dhe aktori i njohur, Jason Statham janë bërë prindër të vogëlushes Isabella javën e shkuar.

“Isabella James Statham, 02.02.2022”, ka postuar engjëlli i “Victoria’s Secret” në Instagram. Në foto dallohet shtrati i bebes. Nga batanija, dora e saj e vogël përshëndet ëmbël kamerën.

Duket se data 2 Shkurt ka qenë e mbarë për lindjet e të famshmëve. Në po të njëjtën ditë, më e vogla e familjes Kardashian-Jenner, Kylie, u bë nënë e një djali. Të dyja vajzat kanë lindur fëmijën e tyre të dytë në një ditë me numra “engjëllorë”.