Analisti Agon Maliqi ‘ka mbetur gojë hapur’ kur ka dëgjuar se si aktivisti i Lëvizjes Vetëvendosje, Sadri Ramabaja mbrëmë në RTV Dukagjini deklaroi se Konferenca e Rambujes nuk u mbajt për shkak të masakrave të kryera nga Serbia në Kosovë, por për krejt një arsye tjetër.
Maliqi ka pyetur: A mund ta shpjegojë dikush se si erdhi puna që në vitin 2025 një analist pro qeverisë të dalë dhe të thotë në TV se Konferenca e Rambujesë nuk u mbajt për t’i ndalur masakrat në Kosovë, por për ta tërhequr vëmendjen nga skandali Clinton-Lewinsky?, ka pyetur ai.
Sipas tij ky lloj narracioni dikur dëgjohej vetëm në Sputnik apo tabloidet e Serbisë por ja që sot e sheh në mainstreamin mediatik të Kosovës si narracion gjysmë zyrtar.
“Çka kena bâ si vend me e meritu këtë psikozë kolektive mazohiste?, ka pyetur ai.
