Analisti Agon Maliqi, ka thënë se përkatësia etnike e kordinatores së Komiteteve në Lëvizjen Vetëvendosje, Dejona Mihalit, nuk duhet të diskutohet.
Maliqi një diskurs të tillë e ka quajtur riprodhim të standardit popullist dhe turbo-patriotik që ka krijuar Lëvizja Vetëvendosje.
Sipas tij, opozita dhe mediat pro-opozitare mund të mjaftohen me faktin se ideologjia dhe botëkuptimet e personit në fjalë janë jashtëzakonisht problematike
“Sulmet mbi përkatësinë etnike të Mihalit janë të ulëta dhe riprodhim i standardit të poshtër popullist dhe turbo-patriotik që na ka sjellë në këtë derexhe të izolimit. Opozita dhe mediat pro-opozitare mund të mjaftohen me faktin se ideologjia dhe botëkuptimet e personit në fjalë janë jashtëzakonisht problematike. Mos i jepni shumë kredit dhe sofistikim (gjasmë me elemente konspirative) diçkaje që shpjegohet thjesht nga budallakia e ideologëve dogmatikë”, ka shkruar Maliqi.
