- Advertisement -
Analistja Afërdita Maliqi ka komentuar deklaratën e kryeministrit në detyrë, Albin Kurti, i cili kërkoi hetim nga organet e drejtësisë dhe sigurisë pas publikimit të exit-polleve nga tri televizione për zgjedhjet lokale.
Maliqi tha se exit-pollet janë një instrument i zakonshëm dhe gabimet në to ndodhin pothuajse kudo në vendet demokratike, duke përfshirë edhe ato më të zhvilluara si Shtetet e Bashkuara të Amerikës.
“Exit-pollet janë vetëm exit-polle dhe nuk duhet gjykuar ashpër, siç po ndodh shpesh. Gabimet në margjina ndodhin edhe në vende shumë të zhvilluara si Amerika. Nuk ka nevojë të bëhet një shqyrtim i tepruar ndaj exit-polleve, veçanërisht kur ato janë dale pas orës 19:00 dhe nuk mund të ndikojnë në procesin e votimit”, tha Maliqi.
