Madonna dhe djali i saj, David, ditë më parë ndoqën një ndeshje boksi midis Gervonta Davis dhe Roland Romero, ndërsa të dy tërhoqën vëmendjen e publikut: ajo nga pamja e fytyrës, kurse ai nga mënyra se si ishte veshur.
Edhe pse këngëtarja pretendon me këmbëngulje se nuk i është nënshtruar ndërhyrjes estetike, fotografitë tregojnë të kundërtën.
Fansat besojnë se 63-vjeçarja e ka tepruar duke injektuar botoks dhe duke vendosur implante.
“Si mund të jemi të sigurt që kjo është Madonna? Ajo nuk i ngjan vetes”; “Ajo duket si një jashtëtokësore” – janë disa nga komentet në Twitter.
Kujtojmë që para disa ditësh, Instagrami e bllokoi për shkak të publikimit të fotografive eksplicite, ndërsa mbretëresha e muzikës pop pohon se qe një kohë të gjatë, ky rrjet social tenton ta censurojë.
Në anën tjetër, djali i saj 16-vjeçar, të cilin e adoptoi nga Afrika kur ishte 13 muajsh, veshi një fustan Adidas në meçin e lartpërmendur duke nxitur reagime të ndryshme.
