Nënkryetarja e Partisë Demokratike te Kosovës, Vlora Çitaku, ka reaguar rreth fjalimit të presidentit francez Emanuel Macron, ku theksoi se udhëheqësit e Kosovës nuk po e mbajnë fjalën sa i përket obligimeve ndërkombëtare.

Ajo tha se më e dëmshmë është “konstatimi” i Macron se liderët e Kosovës janë të “pabesë” se sa deklaratat për vizat.

Çitaku nuk la pa komentuar as reagimin e kryediplomates Donika Gërvalla pas fjalës së Macron.

Postimi i plotë:

Më i dëmshëm është konstatimi i Presidentit Macron për lidershipin e Kosovës si njerëz të pabesë që nuk e mbajnë fjalën, sesa deklarata për viza. Ndërkohë reagimi i Ministres së Jashtme skandaloz. Diplomaci pa krye. Në rënie të lirë.