Para disa ditësh, AGK dhe KMShK, kanë mbajtur një konferencë për media, ku kanë reaguar rreth Projektligjit të miratuar në dhjetor për Komisionin e Pavarur të Mediave.

Lidhur me këtë çështje është shprehur kritik edhe nënkryetari i Lidhjes Demokratike të Kosovës, Lutfi Haziri, shkruan lajmi.net.

“Mediat kanë të drejtë edhe kur s’kanë të drejtë”, tha ai.

Sipas Hazirit me votimin e këtij projektligji do të përfitojnë, “Kurti me shokët e tij” duke u munduar t’i mbajnë nën kontroll mediat.

Nënkryetari i LDK-së thotë se ky veprim është kundër lirisë së shprehjes.

“Kjo nuk është qeverisje demoratike, kjo është përpjekje e mjerueshme për instalim të diktatit”, theksoi ai.

Duke marrë parasysh lirinë e shtypit, ai tha se mediat kanë të drejtë edhe kur qeveria mendon se nuk kanë.