Deputeti i Partisë Demokratike të Kosovës (PDK), Mërgim Lushtaku është deklaruar kundër Projketkodit Civil, i cili lejon martesën e së njëjtës gjini.
Ai ka ftuar edhe deputetët e Kuvendit të votojnë kundër këtij projektkodi, shkruan Scanner.
“Shumë shtete evropiane kanë ruajtur vlerat tradicionale të familjes së shëndoshë, po ashtu edhe vendet e rajonit. Madje edhe kancelarja Merkel kishte votuar kundër martesave mes gjinisë së njëjtë sepse siç e kishte theksuar ajo martesa është mes burrit edhe gruas. Andaj, edhe unë si përfaqësues i popullit do të votoj kundër Projekt Kodit Civil i cili ju jep hapësirë martesave mes gjinisë së njejtë, për arsye se jam pro familjes dhe se bie ndesh me ideologjinë politike që une ndjek dhe bindjet e mija personale. Gjithashtu ftoj të gjithë deputetët e Kuvendit të Kosovës që të votojnë kundër këtij projekt kodi”, ka shkruar Lushtaku në Facebook.
