Uk Lushi, ish-ushtar i UÇK-së dhe veprimtar në SHBA, ka reaguar ashpër ndaj deputetit të VV-së dhe kryeministrit në largim, Albin Kurti, përmes një postimi ku e akuzon për ngecjen e zhvillimit të Kosovës dhe për politikë të vogël në kohë globale përparimi, shkruan Periskopi.
Lushi e ka quajtur Kurtin “kryecung”, teksa e ka krahasuar ecurinë e Kosovës me zhvillimet revolucionare në botën moderne, Lushi shkruan:
“Bota e zhvilluar po merret me gjëra revolucionare si AI, CRISPR, biologjia sintetike, kriptovalutat dhe stablecoins si komplement apo alternativë e monedhave fiat, Fin Tech, Machine Learning, Quantum Computing, VR, AR e deri te robotët.
Kurse Albin Kurti po merret me politikë të vogël dhe i ka ngulur këmbët si gomari në baltë dhe thotë: Kosova dhe kombi shqiptar nuk lëvizin një hap para pa e bërë unë Albulena Haxhiun Kryekuvendare personale!!
Çfarë fati i zi për kombin shqiptar në Kosovë që në shekullin 21 në ballë ka një njeri me mendësi bizantine dhe mesjetar.
Deri kur do ta durojnë shqiptarët këtë kryecung?”.
