Presidenti i Bjellorusisë, Alexander Lukashenko, ka thënë se lideri i Wagnerit, Yevgeny Prigozhin, tashmë gjendet në shtetit bjellorus.

Ai nuk tregoi vendndodhjen e saktë të Prigozhinit, i cili të shtunën u largua nga selia ushtarake ruse në Rostov pas kryengritjes ushtarake 36-orëshe të mercenarëve të Wagnerit.

Megjithatë, imazhet satelitore nga kompania globale e monitorimit BlackSky tregojnë se dy avionë të lidhur me Prigozhin u ulën në një bazë ajrore bjelloruse jashtë kryeqytetit të vendit të martën në mëngjes, shkruan CNN.

Të dhënat e gjurmimit të fluturimeve nga aplikacioni FlightRadar24 treguan se aeroplanët u ulën pranë Minskut rreth orës 8 të mëngjesit.