- Advertisement -
Një shtetas amerikan, i cili sipas mediave të huaja po luftonte në anën e ukrainasve, është vrarë së fundmi në Ukrainë.
Lajmin e ka bërë të ditur një përfaqësues i Departamentit të Shtetit, duke theksuar se autoritetet janë në kontakt me familjen e tij dhe po i ofrojnë ndihmë konsullore.
“Ne përsërisim edhe një herë se qytetarët amerikanë nuk duhet të udhëtojnë në Ukrainë për shkak të konfliktit të armatosur dhe shënjestrimin e qytetarëve amerikanë në Ukrainë nga zyrtarët e qeverisë ruse”, tha ai.
“Qytetarët amerikanë në Ukrainë duhet të largohen menjëherë nëse është e sigurt për ta bërë këtë, duke përdorur çdo mjet transporti komercial ose privat në dispozicion”, shtoi zëdhënësi.
