Drita gjendet në vendin e tretë me 52 pikë, pesë më shumë se Llapi që është në vendin e katërt dhe tri më pak se Gjilani që është në vendin e dytë.
Ndërkohë, Malisheva është në vendin e gjashtë me 37 pikë, katër më shumë se Dukagjini që është në zonën e kuqe për të rënë nga liga.
Në anën tjetër, Llapi pritet të ketë punë të lehtë më Feronikelin, që tashmë edhe zyrtarisht në fund të këtij edicioni përshëndetet me Superligën.
Llapi kërkon që të kualifikohet në garat evropiane, ndonëse e ka edhe një mundësi tjetër përmes Kupës së Kosovës.
Feronikeli gjendet në pozitën e fundit në tabelë me 12 pikë, ku fitore nuk njeh që nga tetori i vitit të kaluar.
Ndeshja e tretë sot zhvillohet mes Ulpianës e Ballkanit.
Ulpiana që gjendet në vendin e nëntë dhe është tri pikë larg rënies nga liga, pritet të ketë punë të vështirë me kreun e tabelës, Ballkanin, i cili është katër pikë larg sigurimit të titullit kampion. /KKosova/
