Kandidati për deputet nga PDK dhe ish -këshilltari i Thaçit, Artan Behrami ka reaguar pas deklaratës së kandidatit të VV-së për deputet, Luan Gacaferi pasi i njëjti përmes një statusi në facebook ‘ i gëzohet’ gjendjes së përkeqësuar shëndetësore të ish- presidentit Hashim Thaçi.
Behrami përmes një postimi në llogarinë e tij në Facebook, tha se Gacaferri e ka thënë atë që mendojnë Kurti, Osmani e Gërvalla.
“Pa u rrëzuar kjo mendësi nuk rrëzohet aktakuza kundër krerëve të UÇK-së në Hagë!”, shkroi mes tjerash Behrami.
Postimi i plotë:
Luani e tha atë që e mendojnë vetëmevete Kurti/Osmani/Gërvalla. Në ditët kur qëndrimi amerikan ndryshoi radikalisht për Gjykatën Speciale, këta edhe më tutje mbrojnë këtë monstrum, e cila me çdo kusht dëshiron dënimin e krerëve të UÇK-së.
Dje e uruan vdekjen e trashëgimisë politike të presidentit Thaçi, duke u munduar t’ia kontestojnë meritat për liri, pavarësi dhe shtetndërtim!
Sot e uruan vdekjen e tij fizike, duke iu bashkuar lutjeve të miliona serbëve, të cilët në çdo përvjetor të Pavarësisë së Kosovës e mallkojnë dhe ia dëshirojnë vdekjen Hashim Thaçit!
Pa u rrëzuar kjo mendësi nuk rrëzohet aktakuza kundër krerëve të UÇK-së në Hagë!
