Raheem Sterling, anësori 31-vjeçar i Chelseas, po e shqyrton seriozisht largimin nga Stamford Bridge dhe ndërprerjen e kontratës që është bërë një “burg” për karrierën e tij
Futbollisti anglez nuk ka luajtur asnjë minutë që kur u kthye prej huazimit nga Arsenali në fund të sezonit të kaluar, dhe skuadra italiane Napoli, e cila po kërkon përforcime në sulm, përmendet si një destinacion i ri potencial, shkruan Goal.com.
Sipas gazetës italiane Corriere dello Sport, Sterling është i vendosur të largohet nga Londra dhe të heqë qafe kontratën “mbretërore” që e ka mbajtur larg fushës.
Në moshën 31 vjeç, ai mezi pret të kthehet në futboll, dhe profili i tij si një sulmues i gjithanshëm është tërheqës për drejtuesit e Napolit.
Klubi i Serie A tregoi gjithashtu interes gjatë afatit kalimtar të verës 2025, dhe emri i tij është rishfaqur si një opsion pasi drejtori sportiv Giovanni Manna kërkon zgjidhje me kosto efektive për të forcuar ekipin.
