Florian Wirtz la një nga shokët e tij të skuadrës duke reaguar me fjalët “O Zot i madh”, pas një momenti të jashtëzakonshëm teknik gjatë seancës së hapur stërvitore të Liverpoolit në Hong Kong.
22-vjeçari gjerman, i cilësuar gjerësisht si një nga mesfushorët sulmues më të talentuar në Evropë, iu bashkua kampionëve të Ligës Premier këtë verë nga Bayer Leverkusen, në një marrëveshje me vlerë fillestare 100 milionë paund, plus 16 milionë paund në bonuse.
Wirtz ka vetëm dy javë që stërvitet me Liverpoolin, por ka lënë menjëherë gjurmë me paraqitjet e tij.
Ai debutoi në mënyrë jozyrtare për “The Reds” në një miqësore me dyer të mbyllura ndaj Stoke City, ku regjistroi dy asiste, duke tërhequr vëmendjen e stafit dhe tifozëve në qendrën stërvitore AXA Training Centre.
Në prag të përballjeve miqësore parasezonale ndaj AC Milan dhe Yokohama F. Marinos, Wirtz shkëlqeu sërish në një stërvitje me goditje në portë, nën vëzhgimin e bashkëlojtarëve si Kostas Tsimikas dhe Jeremie Frimpong.
Në rrjetet sociale, reagimet ishin të menjëhershme. Llogaria zyrtare e klubit në X (ish-Twitter) publikoi videon me përshkrimin: “O Zot i madh”, duke marrë mijëra komente nga tifozët.
