Hamza i shkon Aliut në Ferizaj: Bashkë, në rrugëtimin e ri për një të ardhme më të mirë

Kryetari i Partisë Demokratike të Kosovës, Bedri Hamza, sot i shkoi në vizitë kreut të Ferizajt, Agim Aliut.

Përmes një postimi në Facebook, Hamza tha se komuna e Ferizajt ka ndryshuar shumë nën udhëheqjen e Aliut.

Pos tjerash, Hamza tha se bashkë me Aliun, janë në rrugëtimin e ri për një të ardhme më të mirë për Kosovën.

“Sot erdha për një vizitë te miku im, Agim Aliu. Ferizaj ka ndryshuar dukshëm falë punës së tij. Jemi bashkë në këtë rrugëtim të ri për një të ardhme më të mirë për Kosovën”, ka shkruar i pari i PDK-së.