Llapi ka forcuar repartin e mbrojtjes me një futbollist rumun. Ekipi llapjan ka arritur marrëveshje me Robert Burcea, i cili ka nënshkruar kontratë njëvjeçare me opsion vazhdimk.

24-vjeçari ka luajtur në grupmoshat e Academia Hagi, Schalk 04, RW Esen e Kray në Gjermani.

Ai ka luajtur edhe për skuadrat si Daesti, Zimbru Chisinau dhe Ocna Mures.

Njoftimi i plotë nga KF Llapi:

Robert Burcea nënshkruan me Llapin

Mbrojtësi i djathtë, 24 vjeç, Robert Burcea ka nënshkruar kontratë 1-vjeçare me mundësi të vazhdimit edhe për 1-vit tjetër.

Burcea ka bindur drejtuesit e klubit për të nënshkruar me të dhe pas nënshkrimit të kontratës ka filluar stërvitjet me pjesën tjetër të ekipit.

24-vjeçari në kategoritë e reja ka qenë pjesë e Schalke 04, teksa në vijim të saj ka mbrojtur ngjyrat e skuadrave si: Daesti, Zimbru Chisinau dhe së fundmi Ocna Mures.

Klubi ka përfunduar gjitha procedurat e regjistrimit të tij dhe Burcea ka të drejtë loje nga ndeshja e ardhshme me Prishtinën.