Kryetari i komunës së Drenasit, Ramiz Lladrovci, ka uruar Bajramin e vogël, duke theksuar se “kjo ditë e shenjtë na rikujton vlerat më të larta të besimit, solidaritetit dhe sakrificës”.
“Urime e gëzime për shumë vjet, me zemra të mbushura me paqe dhe shtëpi të mbushura me begati”, ka uruar ai.
Urimi i Lladrovcit në rrjetin social:
Gëzuar Festën e Bajramit të Vogël
Kjo ditë e shenjtë na rikujton vlerat më të larta të besimit, solidaritetit dhe sakrificës. Le të jetë Bajrami një moment reflektimi e afërsie për të gjithë qytetarët tanë, një ditë e veçantë për të ndarë dashuri, mirësi dhe për të treguar kujdes për njëri-tjetrin.
Veçantia e këtij Bajrami është Kurbani, një akt i thellë besimi dhe sakrifice. Përmes tij, shprehim mirënjohje ndaj Zotit dhe kujdes ndaj atyre që kanë më pak, duke ndarë me zemër e me dashuri.
Uroj që kjo festë të sjellë paqe në zemrat tona, harmoni në familjet tuaja dhe begati në shtëpitë e të gjithë qytetarëve tanë.
Urime e gëzime për shumë vjet, me zemra të mbushura me paqe dhe shtëpi të mbushura me begati!
https://www.facebook.com/share/1EgVJbhs94/?mibextid=wwXIfr
