Kryetari i komunës së Drenasit, Ramiz Lladrovci ka uruar të gjithë besimtarët e fesë islame me rastin e festës së Bajramit.
“Qoftë festë e begatë në familjet Tuaja, duke uruar që respekti, dashuria e mirëbesimi të vazhdojë përgjithmonë në Kosovë dhe kudo jetojnë shqiptarët”, ka shkruar Lladrovci.
Urimi i plotë i Lladrovcit për Bajram:
Të gjithë besimtarëve të fesë islame, ua uroj festën e Bajramit të Madh
Pas muajit të shenjtë të Ramazanit, të mbushur me lutje, përkushtim të devotshëm dhe vetëpërmbajtje me agjërim, festa e Bajramit vije si dhuratë e çmuar për besimtarët, të cilët përvojën e virtytshme gjatë këtij muaji, e mirëmbajnë me vepra të mira.
Urimin për Bajramin e Madh së pari e drejtoj për familjarët e dëshmorëve e martirëve, për invalidët dhe veteranët e UÇK-së dhe të gjithë ata që dëshmojnë se vullneti për vepra të mira, është i mundshëm në çdo kohë dhe në çdo vend, për të afërmin, për kombin e për zotin.
Qoftë festë e begatë në familjet Tuaja, duke uruar që respekti, dashuria e mirëbesimi të vazhdojë përgjithmonë në Kosovë dhe kudo jetojnë shqiptarët!
https://www.facebook.com/share/p/m57u47SZmsRgiXxn/?mibextid=WC7FNe
